1.4. Koma í notkun gagnabanka um umhverfis- og loftslagsáhrif byggingarefna á íslenskum markaði

Upplýsingar um aðgerð skv. II. hluta Vegvísis að vistvænni mannvirkjagerð, útg. í júní 2022:

Samhliða aðgerð 5.1.3., um samræmda aðferð við gerð lífsferilsgreininga, verða metin tækifæri til að nýta og/eða starfa með gagnagrunnum í nágrannalöndum í samanburði við uppbyggingu á séríslenskum grunni. Áhersla lögð á að gagnagrunnurinn verði öllum aðgengilegur og geymi bestu fáanlegu upplýsingar um byggingarefni á íslenskum markaði. Tryggja þarf rekstur hans og viðhald til framtíðar og útbúa leiðbeiningar um notkun hans.
Markmið: Að tryggja aðgengi hagaðila að nýjustu upplýsingum um umhverfis- og loftslagsáhrif byggingarefna sem eru á markaði hérlendis. Að auðvelda hönnuðum, eigendum mannvirkja og öðrum yfirsýn og val á byggingarefnum sem hafa minna kolefnisspor. Að auðvelda hönnuðum gerð lífsferilsgreininga.

Ábyrgð: Óljóst að svo stöddu.

Tími: 2022-2023.

Staðan ágúst 2023

Aðgerð hafin.

Í tengslum við störf LCA-starfshópsins (sbr. aðgerð 5.1.3.) hefur m.a verið rætt um:

Möguleikann á að Ísland verði í samstarfi við finnsk/sænska gagnabankann. Sá möguleiki gæti verið fyrir hendi en engar frekari greiningar hafa verið gerðar á honum.
Setja inn íslenskar forsendur í LCAbyg. Forsvarsmenn LCAbyg hafa gefið því grænt ljós.
Setja inn íslenskar forsendur í OneClickLCA. Forsvarsmenn OneClickLCA eru tilbúnir að skoða það.
Gera EPD-blöð fyrir íslensk byggingarefni aðgengileg á LCA-vefgátt HMS, þegar hún verður klár.

Framkvæmd aðgerðar gæti dregist fram á árið 2024.

Lokaafurð aðgerðar

Lokaafurð aðgerðar felst í notkun gagnabanka um umhverfis- og loftslagsáhrif byggingarefna á íslenskum markaði.

Annað tengt efni

CO2data; finnsk/sænskur gagnabanki um losun byggingarvara.

Vefsíða LCAbyg

Vefsíða OneClickLCA

Vefsíða með EPD-blöð (umhverfisyfirlýsingar) fyrir byggingarvörur í Noregi.

Vistbók; íslenskur gagnabanki um umhverfisvænar byggingarvörur.

Tengiliður

Þóra Margrét Þorgeirsdóttir, HMS, thora.thorgeirsdottir@hms.is