Staðan október 2021
Aðgerð lokið.
Askur – mannvirkjarannsóknasjóður var settur á fót haustið 2021 en hann er fjármagnaður af innviðaráðuneytinu og háskóla-, iðnaðar- og nýsköpnarráðunehytinu. HMS annast alla umsýslu hans og rekstur.
Askur veitir styrki til mannvirkjarannsókna með áherslu á aukna þekkingu, umbætur og nýsköpun til að mæta samfélagslegum áskorunum á sviði mannvirkjagerðar. Áherslur sjóðsins snúa einkum að samfélagslegum áskorunum í byggingariðnaði, svo sem rakaskemmdum í mannvirkjum og aðgerðum til lækkunar kolefnisspors.
Við hverja úthlutun er horft til þarfa, eðlis og áskorana á sviði mannvirkjagerðar, áherslu á nýsköpun og markmiða um sjálfbærni. Fyrsta úthlutun úr Aski var auglýst haustið 2021 og fór formleg úthlutun fram í mars 2022. Önnur úthlutun úr Aski var auglýst í september 2022 og var fór úthlutun formlega fram þann 22. febrúar 2023.
Áhersluþættir ársins 2022 voru:
- Byggingargallar, raki og mygla
- Byggingarefni
- Orkunýting og losun
- Tækninýjungar
- Gæði
Lokaafurð aðgerðar
Lokaafurð aðgerðar felst í stofnun sjóðs sem veitir a.m.k. árlega styrki til rannsókna og nýsköpunar innan byggingargeirans, meðal annars til þróunar í umhverfismálum.
Annað tengt efni
Heimasíða Asks.
Heimasíða Tækniþróunarsjóðs.
Heimasíða Orkusjóðs
Heimasíða Loftslagssjóðs.
Heimasíða Tækniseturs.
Tengiliður
Hrafnhildur Sif Hrafnsdóttir, HMS, verkefnastjóri Asks, hrafnhildur.hrafnsdottir@hms.is
Styrkþegar Asks 2021 og 2022
T.v. Styrkþegar við formlega úthlutun úr Aski, í Veröld – húsi Vigdísar í mars 2022.
T.h. Styrkþegar við formlega úthlutun úr Aski, hjá HMS í febrúar 2023.
