4.1. Koma á fót sölutorgi fyrir jarðveg og jarðefni

Upplýsingar um aðgerð skv. II. hluta Vegvísis að vistvænni mannvirkjagerð, útg. í júní 2022:

Komið verði á miðlægum vettvangi (Mölundur) þar sem söluaðilar, verktakar, vinnsluaðilar og kaupendur geta átt í viðskiptum um jarðveg og jarðefni.

Markmið: Að stuðla að notkun jarðvegs og jarðefnis sem næst upprunastað. Að lágmarka miðlæga geymslu jarðvegs og jarðefnis. Að hámarka endurnýtingu á á jarðveg og jarðefni.

Ábyrgð: Ríkiskaup.

Samstarfsaðilar: Framkvæmdasýslan - Ríkiseignir, Vegagerðin, HMS, Reykjavíkurborg, Veitur, Hafnarfjarðarbær o.fl.

Staðan í maí 2022: Framkvæmd hafin.

Tími: 2021-2022.

Staðan ágúst 2023

Aðgerð hafin.

Frá 2020 hefur Ríkiskaup unnið að þróun Mölundar m.a. í samstarfi við HMS, Vegagerðina, Reykjavíkurborg og fleiri. Norska fyrirtækið Netpower hefur unnið að þróun hugbúnaðarins með það fyrir augum að nýta hann líka í Noregi.

Þá hafa sérfræðingar hjá Verkís unnið að lausninni Jarðefni sem er ætlað að þjóna svipuðum tilgangi og Mölundur. Verkefnið fékk styrk frá Aski – mannvirkjarannsóknarsjóði við úthlutun 2022. Hér má nálgast yfirlit yfir þau verkefni sem fengu styrk það árið; verkefnið heitir ,,Sjálfbær stýring jarðefnaflutninga”.

Framkvæmd aðgerðarinnar hefur dregist miðað við það sem áætlað var í upphafi.

Lokaafurð aðgerðar

Sölutorg fyrir jarðveg og jarðefni.

Annað tengt efni

Tengiliður

Daði Pétursson, Ríkiskaup, dadi.r.petursson@rikiskaup.is