5.3.1. Samnýta fyrirliggjandi innviði til að draga úr þörf á mannvirkjagerð í Reykjavík

Upplýsingar um aðgerð skv. II. hluta Vegvísis að vistvænni mannvirkjagerð, útg. í júní 2022:

Það verði gert með áherslum á:
15 mínútna hverfi: Í gegnum hverfisskipulag, þéttingu byggðar, endurnýjun hverfiskjarna og fjárfestingu verði lögð áhersla á að hverfi Reykjavíkurborgar verði gönguvænni og að tryggt verði aðgengi að grænum svæðum, útivist og þjónustu í 15 mínútna göngu- eða hjólafæri.
Græna borgarþróun: Þróun borgarinnar verði öll innan skilgreindra vaxtarmarka hennar og 80% uppbyggingar íbúðahúsnæðis verði innan áhrifasvæðis Borgarlínu.

Markmið: Að draga úr losun vegna mannvirkja- og innviðagerðar. Að stuðla að grænum lífsstíl borgarbúa.

Ábyrgð: Reykjavíkurborg

Staðan í maí 2022: Framkvæmd hafin.

Tími: 2021 og áfram.

Staðan desember 2025

Aðgerð lokið.

Vel gengur að framfylgja Aðalskipulagi Reykjavíkurborgar til 2040 sem tengjast markmiðum um 15 mínútna hverfi. Hér fyrir neðan má sjá stöðu mælikvarða AR2040 sem landupplýsingadeild Reykjavíkur tók saman í lok árs 2024.

  • Íbúafjöldi – +20.181 (2015-2024)
  • Aukning á íbúaþéttleika – 18% (2014-2024)
  • Fjöldi íbúa innan vaxtarsvæðis – +17,5% (2015-2024)
  • Fjöldi íbúa 400 m frá stoppistöð – +19,8%
  • Göngugötur – +643,4% (2015-2024)
  • Fjöldi íbúa 400 m frá matvörubúð – +23,9% (2015-2024)
  • Hjólastígar +138,8% (2015-2024)
  • Fjöldi íbúa innan Hringbrautar – +17,2% 
  • Áætlaðar uppbyggingar á þegar byggðum eða röskuðum svæðum – 80% (2015-2033)
  • Hlutfall íbúa innan við 300 m frá útivistarsvæði (>2000 m2) +96%

Heimild: Mælikvarðar AR2040. Sjá nánar HÉR.

Annað tengt efni

Gönguvæn borg – 15 mínútna hverfi

Tengiliður

Hulda Hallgrímsdóttir, verkefnastjóri atvinnu- og borgarþróunar, Reykjavíkurborg, hulda.hallgrimsdottir@reykjavik.is