Þann 16. mars 2023 kom út skýrsla sem Grænni byggð hefur unnið að undanfarna mánuði um losunarlausa verkstaði. Þar er fjallað um stöðuna í dag auk þess sem kerfismörk og hugtök tengd losunarlausum verkstöðum eru skilgreind. Sameiginlegar skilgreiningar á hugtökum verkstaða og hvaða losun er innifalin er grunnur að norrænum reglugerðum og leiðbeiningum á þessu sviði.
Skýrslan var gefin út á ensku og munu lykilhugtökin svo verða þýdd yfir á íslensku.
Hér er skýrslan á pdf-formi.
Hér má nálgast upptöku af útgáfuviðburði skýrslunnar, þar sem hún er kynnt og efni hennar rætt.
Skýrslan var unnin í tengslum við verkefnið Losunarlausir verkstaðir, sem er fjórði verkpakkinn af fimm í norræna verkefninu Nordic Sustainable Construction. Verkefnið er fjármagnað af Nordic Innovation, stofnun sem heyrir undir Norrænu ráðherranefndina.
Tilgangur verkpakkans Losunarlausir verkstaðir er að draga úr kolefnislosun og annarri beinni losun á byggingarsvæðum. Vinna hans er hluti af aðgerð 2.4. í aðgerðaáætlun samstarfsverkefnisins Byggjum grænni framtíð, sbr. Vegvísi að vistvænni mannvirkjagerð 2030.
Innviðaráðuneyti Íslands ber ábyrgð á verkpakkanum en Grænni byggð á Íslandi og HMS styðja við úrlausn hans.
Nánari upplýsingar um verkpakkann má nálgast hér, á vef Græni byggðar.
