ATH – Upptöku af fundinum má nálgast hér.
Þriðjudaginn 26. mars 2024 kl. 12-13 verður samræmd aðferðafræði við gerð lífsferilsgreininga fyrir íslenskar byggingar formlega gefin út, með opnun LCA-gáttar og upplýsingasíðu um lífsferilsgreiningar á hms.is. Fundurinn markar jafnframt upphaf 18 mánaða aðlögunartíma fyrir innleiðingu lífsferilsgreininga.
Hér er um að ræða fyrstu afurðina úr vinnunni við endurskoðun á byggingarreglugerðinni. Jafnframt er þetta afrakstur vinnu LCA-sérfræðihóps og HMS, sem byggir á grunni aðgerðar 5.1.3. í Vegvísi að vistvænni mannvirkjagerð.
Meðal þeirra sem koma munu fram eru:
- Sigurður Ingi Jóhannsson innviðaráðherra
- Þóra Margrét Þorgeirsdóttir framkvæmdastjóri mannvirkja og sjálfbærni hjá HMS
- Elín Þórólfsdóttir sérfræðingur í mannvirkjum og sjálfbærni hjá HMS
- Friðrik Gunnarsson sérfræðingur í umhverfismálum hjá FSRE
- Jóhanna Klara Stefánsdóttir sviðsstjóri mannvirkjasviðs hjá Samtökum iðnaðarins
Verið öll hjartanlega velkomin í Borgartún 21. Einnig er hægt að fylgjast með viðburðinum á streymi.
Létt hádegishressing á boðstólnum.
Skráning fer fram hér.
