Eins og mörgum er kunnugt um þá hefur sérfræðingshópur verið starfandi í vetur með það hlutverk að vinna tillögur að samræmdri aðferðafræði við gerð lífsferilsgreininga (LCA) fyrir íslenskar byggingar.
Í LCA-hópnum sitja: Helga María Adólfsdóttir (fulltrúi FRV, Mannvit), Alexandra Kjeld (Grænni byggð/Efla), Ólafur Ögmundarson (HÍ), Viggó Magnússon (HR/Arkís) og Lilja Sigurrós Davíðsdóttir (VSÓ ráðgjöf).
Vinnan er hluti af aðgerð 5.1.3. í aðgerðaáætlun Vegvísis að vistvænni mannvirkjagerð sem unnin var á vegum Byggjum grænni framtíð.
HMS og Byggjum grænni framtíð boða nú til vinnustofu í þeim tilgangi að kynna fyrstu drög að tillögum hópsins og fá innlegg frá hagaðilum til áframhaldandi úrvinnslu.
Skráning: Fer fram hér.
Tími: 2. júní 2023, kl. 9-12
Staður: Salur Verkfræðingafélags Íslands, Engjateig 9 og á Teams fyrir þau sem eiga ekki heimangegnt
Dagskrá:
- 9:00 – 9:50
Harpa Birgisdóttir, prófessor við Álaborgarháskóla: Innleiðing LCA í Danmörku.
Helga María Adólfsdóttir, Mannvit, hópstjóri LCA-hóps: Drög að tillögu sérfræðingshóps um samræmda aðferðafræði við gerð lífsferilsgreininga fyrir íslenskar byggingar.
- 9:50-10:00
Hlé
- 10:00-12:00
Umræður meðal þátttakenda: Tillögur hópsins ræddar, sjónarmiðum hagaðila safnað.
Við hvetjum sem flest til að taka þátt og hafa áhrif á þróun lífsferilsgreininga í íslenskri mannvirkjagerð.
