Fulltrúar atvinnulífs, rannsóknarsamfélags og stjórnvalda leiði saman hesta sína til að efla rannsóknir, þróun og þekkingu á loftslagsvænni steypu, ræða nauðsynlegar breytingar á regluverki, auka endurmenntun o.þ.h.
Markmið: Að örva þróun og auka notkun á loftslagsvænni steypulausnum.
Ábyrgð: Steinsteypufélag Íslands, HMS, Grænni byggð og fleiri viðeigandi aðilar.
Tími: 2022 og áfram.
Fulltrúar skógræktarfélaga, atvinnulífs, rannsóknarsamfélags og stjórnvalda leiði saman hesta sína til að efla rannsóknir, þróun og þekkingu á skógaafurðum, ræða nauðsynlega uppbyggingu á innviðum, tækjakosti og námi í landinu, breytingar á regluverki, viðskiptatækifæri og annað sem styður við þróun á sölu- og samkeppnishæfum skógarafurðum. Fylgja þarf eftir niðurstöðum skýrslunnar Horft fram á við í afurða- og markaðsmálum skóga, þar sem fjallað er um afurða- og markaðsmál í skógrækt.
Markmið: Að efla nytjaskógrækt og sambærilega ræktun á Íslandi. Að örva þróun og útbreiðslu á viðarvinnslu. Að gera skógargeirann og tengdar greinar samkeppnishæfari og sýnilegri.
Ábyrgð: Skógræktin, Bændasamtök Íslands, HMS, Trétækniráðgjöf, Límtré Vírnet og fleiri viðeigandi aðilar.
Tími: 2022 og áfram.
Samhliða aðgerð 5.1.3., um samræmda aðferð við gerð lífsferilsgreininga, verða metin tækifæri til að nýta og/eða starfa með gagnagrunnum í nágrannalöndum í samanburði við uppbyggingu á séríslenskum grunni. Áhersla lögð á að gagnagrunnurinn verði öllum aðgengilegur og geymi bestu fáanlegu upplýsingar um byggingarefni á íslenskum markaði. Tryggja þarf rekstur hans og viðhald til framtíðar og útbúa leiðbeiningar um notkun hans.
Markmið: Að tryggja aðgengi hagaðila að nýjustu upplýsingum um umhverfis- og loftslagsáhrif byggingarefna sem eru á markaði hérlendis. Að auðvelda hönnuðum, eigendum mannvirkja og öðrum yfirsýn og val á byggingarefnum sem hafa minna kolefnisspor. Að auðvelda hönnuðum gerð lífsferilsgreininga.
Ábyrgð: Óljóst að svo stöddu.
Tími: 2022-2023.
Borið hefur á því að byggingarvörur séu geymdar við röng skilyrði, meðhöndlaðar með röngum hætti við byggingu og ekki notaðar rétt. Það getur leitt til þess að mikilvægum eiginleikum byggingarvara sé ekki náð og þær virki ekki sem skildi, sem síðan getur haft þær afleiðingar að vörurnar endist skemur en ella og séu jafnvel heilsuspillandi. Vekja þarf sérstaka athygli á þessu og auka fræðslu fagaðila um rétta meðferð byggingarvara samkvæmt leiðbeiningum framleiðenda og hönnuða og í samræmi við lög um byggingarvörur.
Markmið: Að stuðla að minni sóun á byggingarefnum, lengri líftíma þeirra og öruggari byggingum, með réttri notkun byggingarvara.
Ábyrgð: HMS
Tími: 2022-2023.
Rannsaka þarf betur eiginleika vistvænnar steypu og íslenskra byggingarefna hvað varðar meðal annars styrkleika, kolefnisspor, efnahagslega hagkvæmni og þol gegn fúa.
Markmið: Að auka þekkingu á vistvænni steypu. Að auka þekkingu á þeim tækifærum sem búa í íslenskri nytjaskóg- og hamprækt og annarri tengdri ræktun. Að auka sýnileika í íslenskum byggingarefnum og efla markað fyrir timbur.
Ábyrgð: Lagt er til að áhersla verði lögð á þennan málaflokk í árlegum úthlutunum úr Aski – mannvirkjarannsóknarsjóði.
Staðan í maí 2022: Framkvæmd hafin.
Tími: 2021 og áfram.
Kafli 8.3. í byggingarreglugerð verði uppfærður og endurskoðaður hvað varðar lágmarkskröfur um sement og steinefni. Einnig að veðrunarþoli verði skipt upp í flokka og frammistöðukröfur frekar notaðar.
Markmið: Að minnka losun vegna byggingarefna og minnka sóun þeirra, með því að aðlaga byggingarreglugerð þannig að hún hvetji í ríkari mæli til loftslagsvænni hönnunar og aukinnar notkunar á vistvænum byggingar efnum.
Ábyrgð: Innviðaráðuneyti og HMS.
Staðan í maí 2022: Unnið úr umsögnum um tillögur að breyt ing um á steypukafla byggingarreglugerð, sem birtar voru í Samráðsgátt.
Tími: 2021-2022.
Fimm opnar vinnustofur verða haldnar á Teams á vegum verkefnisins Byggjum grænni framtíð. Til umræðu verða aðgerðir til að efla vistvæna mannvirkjagerð til ársins 2030 (í verkefninu er hugtakið ,,mannvirki” skilgreint sem húsbyggingar, vegir og brýr). Skráðu þig til leiks Read More
Þann 18. febrúar 2021 fór fram opinn stafrænn kynningarfundur á verkefninu Byggjum grænni framtíð. Á fundinum var fjallað um skipulag og framkvæmd verkefnisins auk þess munu fulltrúar þriggja ólíkra hagaðila ræða um tækifæri, áskoranir og ávinning varðandi vistvænni mannvirkjagerð út Read More
Hér má sjá ávarp félags- og barnamálaráðherra í tilefni kynningarfundarins á verkefninu Byggjum grænni framtíð.
Í byrjun mars verða fimm vinnustofur haldnar á vegum vinnuhópa 1 til 5. Miðað er við að þær verði haldnar á Teams en ef fjöldatakmarkanir vegna Covid-19 breytast þá gæti verið að einhverjar vinnustofur verði haldnar í fundarsal í Reykjavík. Nánar um það þegar nær dregur. Allir hagaðilar byggingar- og mannvirkjageirans eru Read More
